Arestado ang usa ka asawa nga giingong nakigtagay sa lawasnong kalipay, uban sa laing lalaki sulod sa usa ka lodging house, nga nahimutang sa Barangay Togbongon, Surigao City, niadtong nakalabay nga gabii.
Base sa report sa kapulisan, nakadawat sila og tawag gikan sa usa ka lalaki nga nag pailang bana sa babaye nga nangayo og tabang human iyang matultolan ang giingong lokasyon nga gilub-luban sa iyang asawa, uban sa iyang lalaki.
Sa pag-abot sa mga sakop sa Surigao City Police Station, kauban ang nagreklamong bana, ilang naaktuhan sulod sa kwarto sa maong lodging house, nga nag tagay sa lawasnong kalipay ang iyang asawa nga 39-anyos, gitago sa alyas nga “Marites” kauban sa 26-anyos nga lalaki nga giila alyas nga “Ramon”.
Matud sa 40-anyos nga bana nga gitago sa pangalang “Regor”, dugay na niyang gibantayan ang kadudahang lihok sa iyang asawa, nga aduna kini laing karelasyon.
Human sa insidente, gidumala sa kapulisan ang hustong dokumentasyon alang sa maong reklamo. Sa pagkakaron, giandam na ang pagsang-at og kasong Adultery ubos sa Article 333 sa Revised Penal Code batok sa asawang maluibon ug sa karelasyon niini, subay sa tukmang proseso nga gitakda sa balaod.
Photo Courtesy:istock
