Gipailalom ang mga personahe sa Mati City Police Station sa random drug testing kagahapong adlawa, Hulyo 23, isip kabahin sa gipalig-on nga Internal Cleansing Program sa Philippine National Police (PNP).
Tumong sa maong programa ang pagsiguro nga ang tanang personahe sa kapulisan nagpabiling layo sa ilegal nga droga ug adunay taas nga integridad ug mahimong maayong modelo sa komunidad.
Ang maong kalihokan gipangunahan ni PLTCOL Frederick C. Sa-ao, Acting Chief of Police, kaubana si PCPT ARIEL A ISMAEL, OIC uban sa Forensic Unit sa Davao Oriental ug sa Provincial Administrative Records and Management Unit(PARMU).
Samtang nagpakita usab ug suporta ang Lokal nga Panggamhanan sa Mati City ug ang City Anti-Drug Abuse Council (CADAC) sa gipahigayon nga drug testing nga nagpalig-on sa internal cleansing sa han-ay sa kapulisan.
Photo Courtesy: Mati CPS
