Nasikop sa mga operatiba sa Capoocan Municipal Police Station ang duha ka wanted person nga giilang sila si alyas “Lex” ug “Rof,” nga parehong residente sa Barangay Poblacion Zone II, lungsod sa Capoocan nga gipasanginlang nakalapas sa Municipal Ordinance No. 109, Series of 2001 nga nagdili sa iligal nga pagpangisda, atol sa operasyon nga gipahigayon sa Barangay Poblacion Zone I, Capoocan, Leyte niadtong nakalabay nga adlaw, Hulyo 22, 2026.
Ang operasyon gipangulohan ni PCPT Joselito C. Mislos, Officer-in-Charge sa Capoocan MPS diin gidakop ang duha ka suspek pinaagi sa Warrant of Arrest nga gipagula sa tukmang hukmanan, uban sa gitakdang piyansa alang sa ilang temporaryong kagawasan.
Human sa pagdakop, gipahibalo sila sa hinungdan sa ilang pag-aresto ug sa ilang mga katungod sumala sa Konstitusyon sa pinulongang ilang nasabtan. Dayon silang gidala sa Capoocan Municipal Police Station alang sa hustong dokumentasyon ug pagproseso sa wala pa itugyan ngadto sa hukmanan nga nagpagula sa warrant.
Photo Courtesy: PNP LPPO
