Gipahigayon sa Davao del Norte Police Provincial Office (DNPPO) ang Simulation Exercise (SIMEX) sa Jose Tuazon Jr. Memorial High School niadtong Hulyo 23, 2026, aron mapalig-on ang kaandam sa mga estudyante, magtutudlo, ug mga kawani sa pag-atubang sa mga emerhensya.
Ang maong kalihokan nagtumong sa pagpalambo sa husto nga pagtubag sa nagkalain-laing emerhensya, ingon man sa pagpalig-on sa kultura sa kaluwasan, seguridad, ug kooperasyon sulod sa eskwelahan.
Atol sa simulation, adunay presensya sa kapulisan ug uban pang emergency responders isip kabahin sa praktikal nga pagbansay aron masukod ang kaandam sa tanang partisipante.
Gipahimangnoan usab sa DNPPO ang publiko nga ang maong kalihokan usa lamang ka simulation exercise ug wala’y tinuod nga emerhensya. Giawhag usab ang tanan nga likayan ang pagpakaylap og dili beripikadong impormasyon aron malikayan ang kalibog sa komunidad.
Photo Courtesy: Davao Norte Police Provincial Office
