Giturn-over ngadto sa upat ka Irrigators Associations sa Dakbayan sa Valencia ang lima ka bag-ong farm machinery nga nagkantidad og minilyon ka pesos ubos sa programa sa Department of Agriculture (DA) ug sa City Government of Valencia.
Ang ceremonial turnover ug blessing ceremony gipahigayon niadtong Hulyo 22, 2026 sa bag-ong City Agriculture Building sa Barangay Pinatilan, nga gitambongan sa mga opisyal sa siyudad ug mga representante sa DA Regional Field Office 10.
Pinaagi sa maong proyekto, nakadawat og tag-usa ka four-wheel drive farm tractor nga nagkantidad og ₱2.5 milyon ang Katalisayan-Lumo IA ug Kahaponan IA, samtang ang Laligan IA nakadawat og rice combine harvester nga nagkantidad og ₱1.8 milyon. Ang Pulangui Riverside IA usab ang nakadawat og kinatibuk-ang ₱4.3 milyon nga kantidad sa kagamitan kabilang ang usa ka farm tractor ug usa ka combine harvester, diin aduna usay gipahigayong orientation kabahin sa husto nga paggamit ug pagmintinar sa mga makinarya.
Gipahigayon ang maong inisyatibo ubos sa pakigtambayayong sa LGU Valencia City sa liderato ni Mayor Amie G. Galario ug Vice Mayor Greizl Galario-Fernandez aron itulod ang rice modernization.
Tuyo sa maong mekanisasyon nga mapamenosan ang pagsalig sa manwal nga pamuo, mapadali ang pag-ani, makunhuran ang post-harvest losses, ug sa katapusan, mapataas ang produksiyon ug kita sa mga lokal nga mag-uuma sa dakbayan
Photo Courtesy:Valencia City LGU
