Nadakpan sa mga kapulisan sa Lianga Municipal Police Station (MPS) ang Top 5 Most Wanted Person sa probinsyal nga lebel atol sa usa ka law enforcement operation nga gipahigayon sa Purok 5, Barangay Poblacion, Lianga, Surigao del Sur.
Ang operasyon gipangulohan sa Lianga MPS ubos sa pagpangulo ni PCPT Micko Alunan S. Ampatuan, Acting Chief of Police, uban sa suporta sa iyang mga personnel.
Base sa gipagawas nga impormasyon sa Lianga MPS, ang nadakpan nag atubang og mga kaso nga Frustrated Murder ug paglapas sa Republic Act 10591 o ang Comprehensive Firearms and Ammunition Regulation Act. Ang pagdakop gihimo pinaagi sa pagpatuman sa mga warrant of arrest nga giisyu sa korte.
Matod sa Lianga MPS, ang maong kalampusan nagpakita sa ilang padayon nga paningkamot sa pagpatuman sa balaod, pagdakop sa mga wanted person, ug pagpalig-on sa kalinaw ug kahapsay sa komunidad.
Sa pagkakaron, ang nadakpan anaa na sa kustodiya sa Lianga Municipal Police Station alang sa hustong dokumentasyon ug sa pag-atubang sa mga kasong naghulat kaniya sa korte.
Photo courtesy: Liang MPS
