Gipahigayon ang Itik Pinas Production Seminar ug Orientation sa Barangay Tanglaw, Braulio E. Dujali niadtong Martes, Hulyo 21, nga gitambongan sa 20 ka Itik Pinas raisers ug recipients aron mapalambo ang ilang kahibalo sa pag-atiman ug pagdumala sa produksyon sa itik isip dugang nga panginabuhian.
Ang maong kalihokan nagtumong sa pagpalig-on sa kahanas sa mga benepisyaryo sa husto nga pag-atiman, pagdumala, ug pagpadagan sa Itik Pinas Production aron madugangan ang ilang kita ug mapauswag ang ilang panginabuhi.
Gipahigayon ang seminar ubos sa pagpanguna sa LGU Braulio E. Dujali, Municipal Agriculture Office, ug sa mga opisyal sa Barangay Tanglaw.
Gisuportahan usab ang maong inisyatiba ni Larry Y. Rubinos, CEO sa LYR Group of Company, isip kabahin sa padayon nga paningkamot sa pagpalambo sa panginabuhian ug kalidad sa kinabuhi sa mga benepisyaryo sa lungsod.
Photo Courtesy: Agriculture Monthly
