Nagpahimangno ang Zamboanga del Sur Police Provincial Office (ZSPPO) sa publiko batok sa mga peke nga e-mail nga nag-angkong adunay criminal o cybel case nga gisang-at batok sa usa ka indibidwal.
Kini human ang usa ka barangay secretary sa usa sa mga barangay sa probinsya nakadawat og e-mail nga naghangyo og tabang sa pagpangita sa usa ka residente gumikan sa gikaingong pending court case diin nasuta nga peke ang maong mensahe.
Tungod niini, nagpahinumdom usab ang Judiciary kabahin sa official communication gikan sa korte nga padala lamang pinaagi sa mga e-mail address nga @judiciary.gov.ph, ug dili pinaagi sa official services sama sa Gmail o Yahoo.
Gidasig sab sa ZSPPO ang publiko nga susihon una ang mga kadudahang e-mail pinaagi sa direktang pagkontak sa hingtungdang korte o Judiciary ug dili muhatag og personal nga impormasyon ug i-report dayon ang mga kadudahang mensahe sa pinakaduol nga police station.
Photo Courtesy: ZSPPO
