Tutokan sa bag-ong Provincial Director sa Department of Labor and Employment (DOLE) Zamboanga del Sur, ang pagpahigayon og regular nga labor inspection sa mga construction project nga anaa sa probinsya sa Zamboanga del Sur.
Kini ang giingon ni DOLE Zamboanga del Sur Provincial Director Aileen Mondejar dungan sa eksklusibo nga pakighinabi sa Juander Radyo News Team niining bag-o.
Segon ni Mondejar, tumong niini nga maseguro ang pagsunod sa mga construction company ug project contractor sa mga balaod, lakip na ang paghatag og saktong swelduhan ug benepisyo, ug luwas nga lugar alang sa pagpanarbaho sa mga construction worker.
Gipasiugda usab ni Mondejar ang kamahinungdanon sa pagpanalipod sa mga katungod sa mga construction worker, ilabina sa mga proyekto nga adunay daghang empleyado ug naglangkob og delikadong trabaho.
Dugang pa niini, pinaagi sa labor inspection, mahibaloan kung nasunod ba sa mga employeer ang mga labor standards ug occupational safety and health requirements, diin gilauman nga palig-onon pa ang monitoring ug enforcement sa labor laws sa tibuok probinsya.
