Namatay ang usa ka batang estudyante sa Davao City nga giingong biktima sa pagpangulata sulod sa eskwelahan, sumala sa pamilya sa biktima.
Gipadayag sa pamilya nga gituohang gisumbag ug gikulata ang bata sa tulo ka iyang mga lalaking classmates niadtong Biyernes. Human sa insidente, gidala ang biktima sa Southern Philippines Medical Center (SPMC) tungod sa grabeng pagsakit sa ulo, diin nasayran sa CT scan nga adunay blood clot sa ulo ug naputol nga ugat.
Sa pagkakaron, nagpadayon pa ang imbestigasyon sa insidente aron matino ang tinuod nga nahitabo. Samtang, nanawagan ang pamilya sa biktima og hustisya. Ang giingong pagpangulata nagpabilin nga bahin sa imbestigasyon sa mga otoridad.
