Nagbilin og P200,000.00 nga damyos ang pagkasunog sa usa ka panimalay sa Purok Gumamela, Barangay Camanga, Tukuran, Zamboanga del Sur, alas 11:15 sa buntag niadtong Hulyo 22, 2026.
Gipanag-iyahan ang maong panimalay sa usa ka 41-anyos nga driver nga residente usab sa maong barangay. Base sa inisyal nga imbestigasyon, posibleng nagsugod ang sunog sa kusina nga nahimutang tapad sa comfort room sa balay.
Atol sa maong insidente, wala ang tag-iya niadtong tungura sulod sa panimalay tungod kay nagmaneho kini sa iyang pampasaheroan nga motorsiklo.
Dali usab nga niresponde ang Tukuran Municipal Police Station ug Tukuran Bureau of Fire Protection sa maong insidente aron masalbar ang ubang kasikbit nga panimalay.
Gideklara nga under control ang sunog ug hingpit nga napalong alas 11:30 sa buntag ug wala ray natalang namatay o nasamdan sa maong insidente.
