Mipirma ang Philippine Airlines (PAL) og kasabutan sa Airbus alang sa pagpalit og siyam ka dugang A350-1000 long-haul aircraft, usa ka adlaw human kini mipahibalo usab sa kasabutan niini uban sa Boeing.
Ang Memorandum of Understanding (MOU) gipirmahan atol sa Farnborough International Airshow, ug naglakip usab og katungod sa pagpalit og lima pa ka dugang eroplano sa umaabot. Gikatakdang madawat ang mga bag-ong aircraft tali sa 2034 ug 2036.
Sumala ni Presidente ug Chief Operating Officer sa PAL Holdings kang Lucio Tan III, ang A350-1000 magpadayon sa pagpalig-on sa internasyonal nga operasyon sa kompanya tungod sa taas nga range ug mas episyenteng paggamit sa fuel.
Sa miaging adlaw, mipirma usab ang PAL og kasabutan sa Boeing alang sa pagpalit og hangtod 20 ka Boeing 787-10 Dreamliners, isip kabahin sa pagpalapad sa ilang long-haul fleet.
Photo Courtesy:Iorbit News
