Nadakpan sa Buenavista Municipal Police Station ang usa ka 34-anyos nga lalaki atol sa buy-bust operation sa Purok 3, Barangay Talo-ao, Buenavista, Agusan del Norte.
Giila ang nadakpan nga si alyas “Joey D” usa ka ulitawo ug welder nga residente sa Purok 4, Barangay 1, Buenavista. Narekober gikan sa suspek ang gibana-banang 1.9 gramos sa gituohang shabu.
Sa pagkakaron ang suspek anaa na sa kustodiya sa Buenavista Municipal Police Station ug giandam na ang kasong paglapas sa Republic Act 9165 o ang Comprehensive Dangerous Drugs Act of 2002.
