Gipasiugda sa Tagum City Jail Male Dormitory (TCJMD) Welfare and Development Section ang kahimsog, panag-uban ug aktibong pagkinabuhi sa mga Persons Deprived of Liberty (PDL) pinaagi sa pagpahigayon og Nutri Games 3-on-3 Basketball Tournament, isip kabahin sa pagsaulog sa 52nd Nutrition Month 2026.
Gipalambo sa maong kalihukan ang pisikal nga kahimsog, disiplina, teamwork ug panag-uban sa mga PDL, samtang gipasiugda usab ang importansya sa hustong nutrisyon ug aktibong pagkinabuhi. Pinaagi sa sports ug recreation, gilauman nga makatampo kini sa ilang rehabilitasyon ug kinatibuk-ang kaayohan.
Gipakita usab sa maong programa ang padayong paningkamot sa TCJMD sa pagpatuman og mga kalihukan nga makatabang sa positibong pagbag-o, himsog nga pagkinabuhi ug personal nga kalamboan sa mga PDL.
Photo Courtesy: Tagum City Jail Male Dormitory
