Gipangandaman na sa Lokal nga Panggamhanan sa lungsod sa Santo Tomas, Davao del Norte ang gikahinamang 67th Araw ng Santo Tomas alang sa umaabot nga dakong selebrasyon.
Gipadayag sa LGU pinaagi sa unang press briefing nga “Atong Banwa, Atong Storya” ang mga kalihokan nga giandam alang sa maong pagsaulog nga gipangunahan nila Municipal Mayor Roland S. Dejesica ug Vice Mayor Maria Luz Dejesica, diin ilang giawhag ang tanang Tomasino nga makig-uban ug aktibong moapil sa mga kalihokan isip pagpakita sa panaghiusa ug garbo sa ilang banwa.
Samtang sa pikas bahin, gipasiugda sa kapulisan ang ilang pagpangandam aron masiguro ang kalinaw, kahapsay ug seguridad sa tanang moapil sa selebrasyon.
Gipadayag usab sa Tourism Office ang nagkalain-laing kalihokan nga gilauman nga makapadasig sa mga Tomasino usa ka mas hayag, mas makalingaw, ug mas espesyal matud pa ilabina kung ang tanan maghiusa.
Photo Courtesy: Santo Tomas Information Office
