Nagpatuman ang Davao de Oro Police Provincial Office (DDOPPO) og random drug testing sa mga kapulisan niini isip kabahin sa padayon nga paningkamot sa pagpalig-on sa disiplina, integridad, ug pagmintinar sa usa ka drug-free nga organisasyon.
Ang maong drug testing gipahigayon sa Davao de Oro Police Forensic Unit (DDOPFU) ubos sa pagpanguna ni PCPT Justinne Chloe Celeste M. Donado, Forensic Chemist sa DDOPFU.
Tumong niini ang pagsiguro nga nasunod sa mga personnel ang mga polisiya batok sa ilegal nga droga ug mapalig-on ang ilang pasalig sa propesyonal nga pag-alagad.
Matud sa DDOPPO, ang random drug testing kabahin sa ilang estriktong pagmonitor aron maseguro nga ang tanang kapulisan nagpabiling luwas sa ilegal nga droga, angayan sa serbisyo, disiplinado, ug andam sa paghatag og matinud-anon ug episyenteng serbisyo ngadto sa katawhan.
