Mahimong makuha sa mga miyembro sa PAG-IBIG Fund Pagadian ang ilang savings nga nahulog kon sila moabot na sa edad nga 60 o 65 anyos subay sa gitakda sa ahensya sa pagkuha sa mga provident benefits. Kini ang gipasabot ni Gregorio Luba Jr., ang Branch Manager sa PAG-IBIG FUND Pagadian atol sa pakighinabi sa Juander Radyo News Team niining bag-o.
Segon ni Luba, ang makuha nga kontribusyon sa pag-ibig gilangkuban sa nahulog sa mga employer ug employee lakip ang kinatibuk-ang dividend nga natigom sa tibuok panahon sa pagkamiyembro.
Alayon niini, gidasig ni Luba ang mga miyembro nga siguruhong updated ang mga membership records ug kompletohon ang gikinahanglang mga dokumento sa dili pa moabot ang retirement.
Gipahinumduman usab ni Luba ang tanang miyembro nga padayonon ang regular nga pagbayad aron mas dako ang retirement savings nga ma-angkon sa mga miyembro pag-abot sa panahon.
