Mag-uban pag-usab sa tennis court si Alex Eala ug ang US icon nga si Venus Williams, sa Mubadala DC Open nga ipahigayon sa Washington, DC. Ang duha kabahin sa star-studded doubles lineup sa nahisgutang torneyo, nga naglakip sa 18 ka Grand Slam doubles ug mixed doubles champions sa ATP ug WTA tours.
Kahibaloan unang nag-uban ang duha sa Bad Homburg Open sa miaging bulan, diin ilang gipildi sila si Alexandra Osborne ug Catherine Harrison sa unang round.
Bisan pa, napildi sila sa quarterfinals nila ni Olivia Nicholls ug Tereza Mihalikova. Ang Mubadala DC Open gikatakda nga magsugod gikan sa Hulyo 25 hangtod Agosto 2.
Photo Courtesy:Athlete Speaker
