Dakpan sa kapulisan ang usa ka drug suspect human kini positibong napalitan og drugang shabu sa nagpakaaron ingnong buyer sa gipahigayon drug buy-bust operation sa Barangay Poblacion, lungsod sa Siocon, Zamboanga del Norte niadtong nakalabay nga adlaw.
Giila ang dinakpan nga si alyas Jaime, 28-anyos, minyo, usa ka mag-uuma ug residente sa maong lungsod. Nasakmit gikan sa dinakpan ang 1 ka gamay nga pakete sa shabu lakip ang 500 peso bill nga buy bust money.
Dugang nasakmit sa iyang posisyon ang 5 ka gagmayng pakete sa shabu, duha ka lighter, sling bag ug sinsilyo. Motimbang sa 2 ka gramo ang nasakmit nga druga gikan sa suspetsado nga mokantidad sa Php13,600.00
Balhog sa selda sa Siocon Municipal Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Siocon MPS
