Nakahatag og dakong kausaban sa kaluwasan sa kadalanan ang ideya nga giingong nakuha ni Edward N. Hines human makakita og nagatulo nga karomata sa gatas niadtong 1911.
Base sa nagkaylap nga impormasyon, ang puti nga marka nga gibiyaan sa nagatulo nga gatas sa dalan maoy nakadasig kaniya sa paghimo sa usa sa unang painted road center line sa Michigan aron mabulag ang nagkasugat nga mga sakyanan.
Ang maong yano nga inobasyon nakatabang sa pagpakunhod sa mga aksidente ug pagpalambo sa kahapsay sa dagan sa trapiko.
Bisan kapin usa ka siglo na ang milabay, padayon gihapon nga nagsilbi ang road center line isip usa sa labing importante nga simbolo sa kaluwasan sa mga kadalanan sa tibuok kalibutan.
Photo Courtesy: Watercooler
