Nakurat ang daghang netizens human mikatag ang video sa social media nga kuha sa CCTV footage sa usa ka giingong kawatan nga nangawat samtang adunay talagsaong gibuhat sulod sa balay nga iyang gisudlan didto sa Barangay Poblacion South, Polanco, Zamboanga del Norte.
Sumala sa tag-iya sa balay, wala lang mangawat o nanghipos sa mga gamit nga anaa sa sulod sa balay ang suspek, nagluto pa kini og itlog, ningka-on, nagtimpla pa og juice, pagkahuman nang limpyo pa kini sa iyang gi kan-an, ug nanilhig pa kini sa tibuok Balay sa wala pa mibiya dala sa iyang mga kinawat.
Dali nga mikatag sa social media ug nahimong sentro sa diskusyon ang hitabo diin adunay mga netizens nga nagduda nga posible kining scripted o gihimong content lamang, apan aduna say miingon nga nagbinuang ang suspek og dili kining responsableng kawatan tungod kay nang limyo pa kini human sa iyang gihimo.
Bisan paman niana giingon sa gihapon tag-iya sa balay nga adunay nahitabong pagpangawat tungod kay daghang butang ang nangawala, ug nakita sab sa CCTV nga adunay gipas-an ang kawatan pag gawas niini sa ilang balay.
Sa pagkakaron, padayon pang giimbestigahan sa mga otoridad ang maong panghitabo samtang daghan gihapon ang wala makatuo sa talagsaong lihok sa giingong kawatan.
Photo Courtesy: Pexel
