Dakpan ang tulo ka indibidwal nga giilang sila si alyas “Jake”, “Emman” ug “Joshua” puros hingkod ang mga pangidaron ug puros residente Ecoville I Subdivision, Barangay Sagkahan, lungsod sa Carigara human sila madakpan sa mga awtoridad atol sa gilusad nga operasyon didto sa Carigara niadtong nakalabay nga adlaw.
Ang operasyon kabahin sa gipakusog nga kampanya batok sa ilegal nga sugal ubos LPPO, uban sa Carigara Municipal Police Station diin narekober gikan sa mga suspek ang usa ka set sa playing cards ug kuwarta nga gigamit isip pusta.
Ang tulo mag-atubang og paglapas sa Presidential Decree No. 1602 o ang Anti-Illegal Gambling Law.
Sumala sa LPPO, ang tanang nadakpan gipahibalo sa hinungdan sa ilang pagdakop ug sa ilang mga katungod sa pinulongang ilang nasabtan sa wala pa dad-a sa Carigara Municipal Police Station alang sa dugang dokumentasyon ug tukmang legal nga proseso.
