Gipangdayeg sa mga kauban sa trabaho ang dedikasyon, disiplina, ug maayong pagtratar sa tanan sa aktres nga si Atasha Muhlach samtang nagpadayon ang ilang mga rehearsal alang sa “Bongga Ka, ‘Day!: The Annie Batungbakal Musical.”
Sumala sa iyang mga kauban, dako ang ilang kaikag ug kadasig sa pagtrabaho uban kang Atasha tungod kay sayon ra kini makatrabaho, buotan, ug adunay makalingaw nga personalidad nga nakapagaan sa ilang inadlaw-adlaw nga gimbuhaton sa teatro.
Bisan pa man og kini ang pinakaunang major lead role ni Atasha sa entablado, nakita sa tibuok produksyon ang iyang hugot nga paningkamot ug sakripisyo aron mahatagan og hustisya ang karakter ni Annie Batungbakal.
Tungod niini, dako ang paglaom sa iyang mga kauban nga mas mapakita pa sa aktres ang tinuod nga gilawmon sa iyang talento sa musika ug pag-arte sa higayon nga isalida na ang maong musical show karong Setyembre
Photo Courtesy:Twitter
