Landig sa balay tambalanan ang duha ka indibidwal human sa nahitabong panagbangga tali sa usa ka sakyanan ug motorsiklo sa National Road, Sitio Kolisisi, Barangay Tagabakid, Mati City, Davao Oriental pasado alas 8:20 sa buntag, Hulyo 11, 2026.
Ang mga nalambigit sa disgrasya mao ang usa ka Honda CRF nga motorsiklo nga gimaneho ni alyas Argue, 38 anyos, minyo ug samara usab ang angkas niini nga si alyas Marie, 39 anyos ug pulos mga residente sa Purok Unit 2, Landing Fish, Puntalinao, Banaybanay.
Samtang giila usab ang drayber sa Toyota UV nga sakyanan nga gimaneho ni alyas Roel, 40 anyos, minyo ug lumolopyo sa Purok 8, Barangay Mipangi, Davao De Oro.
Base sa imbestigasyon, nasayran nga ang motorsiklo nagbiyahe gikan sa Banaybanay ug paingon sa Manay samtang ang sakyanan nagbiyahe gikan sa Bangga ug padulong sa Mati City, apan pag-abot sa lugar sa insidente nakatulog ang drayber sa motorsiklo ug misulod sa pikas nga lane ug miresulta sa ilang panagbangga.
Human niini, daling miresponde ang mga personahe sa CDRRMO ug gidala ang mga biktima sa DOPMC alang sa medikal nga pagtambal.
Sa pagkakaron ang duha ka sakyanan anaa na sa kustodiya sa kapulisan alang sa hustong disposisyon.
Photo Courtesy: Mati CPS
