Nakahimo og talagsaong hulagway ang Italian photographer nga si Valerio Minato human sa 6 ka tuig nga paghulat ug pagplano aron makuha ang hingpit nga anggulo sa bulan.
Nakuha niya ang maong litrato niadtong Disyembre 2023, diin nagtakdo ang pagsubang sa bulan ibabaw sa Monviso Mountain ug sa Basilica of Superga sa Italy.
Sumala sa photographer, daghang higayon ang napakyas tungod sa dili maayong panahon ug sayop nga tiyempo, apan wala siya moundang hangtod makab-ot ang iyang tumong.
Ang maong letrato nakapahingangha sa milyon-milyong tawo sa tibuok kalibotan ug giila isip talagsaong pananglitan sa pasensya, dedikasyon ug maampingong pagplano sa photography.
Photo Courtesy: Watercooler
