Mga Ka-Juander, usahay diay, ang gobyerno mismo ang makalimot nga ikaw dapat prisohon!
Sa Missouri, USA, usa ka lalaki ang gisentensyahan og 13 ka tuig nga pagkabilanggo tungod sa armed robbery niadtong 1999. Human sa iyang apela, gipagawas siya sa piyansa ug giingnan nga hulaton lang ang tawag kung kanus-a siya mapriso.
Ang problema, wala gyud nanawag kaniya. Tungod sa sayop sa rekord, abi sa gobyerno nga naa na siya sa prisohan. Samtang siya, naghulat kada adlaw nga dakpon balik.
Kay wala man gyud, nagtukod na lang siya og negosyo, naminyo, nagkaanak og upat, nahimong deacon sa simbahan, coach sa football, nagbayad og buhis ug nahimong matinud-anong lungsoranon.
Paglabay sa 13 ka tuig, kalit lang mitungha ang SWAT Team sa iyang balay aron dakpon siya. Apan tungod sa dakong suporta sa publiko, mihukom ang korte nga wala nay angay prisohon kay nahuman na kuno niya ang “13 years” bisan wala gyud siya makasulod sa selda.
Moral lesson mga Ka-Juander: Kung maghulat mo’g tawag… ayaw pud og sobra ka dugay. Basin ang tawag sa gobyerno, maabot pa human sa napulo’g tulo ka tuig.
Photo courtesy:Pinterest
