Nagpadayon na ang pagpangandam sa Philippine women’s national football team sa 2027 FIFA Women’s World Cup sa Brazil.
Matod sa head coach nga si Mark Torcaso, adunay komprehensibong plano ang koponan nga maglakip sa mga training camp ug international matches sa lainlaing nasod aron mas maandam ang mga magdudula alang sa torneyo.
Giingon ni Torcaso nga bug-os ang suporta sa Philippine Football Federation (PFF) sa ilang programa aron mahatagan ang Filipinas og higayon nga makaatubang sa nagkalainlaing estilo sa pagdula ug mas lig-on nga mga kontra.
Gipadayag usab sa PFF nga ilang ihatag ang tanang gikinahanglang suporta aron andam ang koponan sa pagsabak sa World Cup sa 2027.
Lakip sa plano sa Filipinas ang pag-apil sa Asian Games karong Setyembre, mga international training camp ug mga friendly matches hangtod sa pagsugod sa FIFA Women’s World Cup sa Brazil.
Samtang, nagpadayon usab si Torcaso sa pagpangita og bag-ong mga Filipina football players, lakip ang mga nagdula sa Pilipinas ug sa ubang nasod, aron mapalig-on pa ang pwersa sa koponan.
Photo Courtesy: Philippine News Agency
