Nakagradwar na sa kolehiyo ang aktor ug direktor nga si Xian Lim human makompleto ang Bachelor of Arts in Music Production pinaagi sa Expanded Tertiary Education Equivalency and Accreditation Program (ETEEAP) sa De La Salle-College of Saint Benilde.
Sa iyang Instagram post, iyang gipadayag ang kalipay sa pagkab-ot sa maong milestone uban sa iyang pamilya ug miingon nga wala gayud niya damha nga moabot ang maong adlaw.
Dugang pa niya, ang pagdawat sa diploma dili lang simbolo sa paghuman sa pag-eskwela, kundili pahinumdom usab nga ang matag tawo adunay kaugalingong takna sa kalampusan ug kinahanglan magpadayon sa pagkat-on ug paglambo.
Photo Courtesy:PEP.ph
