Personal nga nakigkita ang Filipina actress nga si Julia Barretto sa bantogang Formula One driver nga si Charles Leclerc atol sa usa ka sportswear brand event sa Singapore.
Gipaambit ni Barretto sa iyang Instagram account ang hulagway nilang duha, nga daling nakakuha og positibong reaksyon gikan sa iyang mga fans.
Si Leclerc usa ka Monégasque Formula One driver nga nagrepresentar sa Ferrari ug nahimong runner-up sa 2022 World Drivers’ Championship.
Samtang, nagpadayon usab ang aktres sa pagpasiugda sa iyang pelikulang Always Yours, Never Mine, kauban si Joshua Garcia. Matod ni Barretto, dako ang iyang pasalamat sa mga mensahe ug suporta nga ilang nadawat gikan sa mga tumatan-aw sa maong pelikula.
Photo courtesy: Julia Barretto/Instagram
