Malipayong gitambongan sa mga residente sa Sitio Buco, Barangay Banlag, Valencia City ang napahigayon nga barangay orientation kabahin sa Juander Radyo Loyalista Incorporated niadtong Hunyo 27, 2026.
Gipunting sa maong orientation ang pagpasabot sa mga programa ug katuyoan sa organisasyon ngadto sa mga residente ug mga miyembro.
Tumong sa grupo ang pagtinabangay ug paghatag tabang pinansyal sa mga miyembro nga adunay namatyan sa pamilya. Subay sa programa, matag miyembro motampo og 10 syentimos matag usa sa motaliwan nga miyembro matag semana.
Nagpakita usab og suporta ug interes ang mga residente sa maong programa nga nagtumong sa pagpalig-on sa panaghiusa ug pagtinabangay sa komunidad.
