Mainitong gidawat sa mga residente sa Barangay Villa Vista ug Sitio Kilabong sa Lungsod sa Sumilao, Bukidnon ang gipahigayon nga orientation sa Juander Radyo Loyalista Incorporated aron ipasabot ang ilang maayong katuyuan ug mga programa sa pagserbisyo karong adlawa Sabado Agosto 15, 2026.
Tungod sa maayong tumong sa organisasyon, daghan sa mga mitambong ang nagpakita og interes nga magpamiyembro, samtang ang uban nagpalista usab isip coordinator aron makatabang ug makaserbisyo sa ilang mga silingan.
Aron mas mapalapdan pa ang ilang paghatag og serbisyo sa katawhan, nagpadayon ang pagpangandam sa grupo alang sa ilang mga nakahan-ay nga pagbisita sa uban pang mga lugar ug komunidad sa lalawigan.
Pinaagi niining maong mga inisyatibo, naglaum ang Juander Radyo Loyalista Incorporated nga mas daghan pang mga residente ang makabenepisyo ug makaapil niini aron daghan pa ang matabangan.
