Nakahatag kalingawan sa mga nanan-aw sa kadalanan sa Madrid human ang mga lalaki nga partisipante midagan nga nagsul-ob og high heels nga may katas-on sa dili moubos og 10 sentimetros atol sa Pride Week celebration. Ang annual high heel race nahimong usa ka makalingaw ug talagsaong kompetisyon nga puno sa balanse, paspas nga lihok, ug kataw-anan nga eksena.
Daghan sa mga lalaki ang nakasinati og kalisod sa pagdagan tungod sa kataas sa tikod sa ilang sandal, hinungdan nga daghan ang nadagma ug halos matumba sa tunga sa dalan. Apan bisan pa sa mga hagit, nagpadayon gihapon sila sa pagpakita sa determinasyon ug kadasig samtang gidasig sa kusog nga cheer sa mga nanan-aw.
Gani, ang maong panghitabo kabahin sa selebrasyon sa Madrid Pride Week nga naghatag og kolor, kalingaw, ug kaisog sa pagpakita sa kaugalingon. Sa tibuok race, ang mga lalaki nga partisipante nahimong sentro sa kataw-anan ug katingala, nga nagpakita nga ang Pride celebrations puno sa kalipay ug walay limit sa pag-apil sa kasadya.
Photo Courtesy: CNN
