Nagsang-at sa reklamo ang kampo sa boksidor nga si Eman Bacosa Pacquiao sa Games and Amusement Board (GAB) batok sa iyang katapusang kontra ug sa referee nga nag-officiate sa ilang away.
Kini giingong tungod sa balik-balik ug tinuyo nga “rabbit punches” o suntok sa likod sa ulo ni Eman, nga gidili sa boxing.
Mahinumduman nga katapusang nakig-atubang si Eman kang Rodelyn Perez niadtong Hunyo 21 para sa PBF Youth lightweight title nga gipangulohan ni referee Jerold Tomeldan. Si Perez midaog pinaagi sa majority decision.
Sumala ni Joanna Rose Bacosa Dino, inahan ug manager ni Pacquiao, ang mga suntok dili aksidente. Dugang niya nga mas importante ang kahimtang sa panglawas sa iyang anak kaysa sa resulta sa away.
Photo Courtesy:IMDb
