Gipatulan ni Vice Ganda ang usa ka social media user nga nireklamo sa kanunay nga pag-overtime sa noontime show nga “It’s Showtime.
Gipaambit ni Vice sa iyang X account ang post sa maong netizen nga nagkanayon nga kinahanglan usbon sa programa ang pagdumala sa ilang mga segment aron malikayan ang paglapas sa gitakdang oras sa programa.
Matod pa ni Vice, sobra na matod pa ka-bored ang maong netizen. Midugang usab siya og komento nga mas maayo pang manglimpyo kini sa iyang mga kuko ug magpaka busy sa ubang butang.
Human sa maong panghitabo, gitangtang sa social media user ang iyang orihinal nga post human kini makadani og nagkadaiyang reaksyon gikan sa mga tagasubaybay sa “It’s Showtime.”
Aduna usab mga netizen nga mipahayag nga dili dakong isyu ang usahay nga pag-overtime sa programa tungod kay adunay mga higayon nga dili kini malikayan
Photo Courtesy: “It’s Showtime” via Facebook
