Gipadayag sa magsuong Carlos ug Eldrew Yulo ang kusog ug kalibre sa mga Pilipinong gymnast human malampuson nilang nasungkit ang mga medalya sa Floor Exercise Final sa usa ka internasyonal nga entablado sa gymnastics.
Nakakuha og impresibong 14.700 puntos ang Olympic champion nga si Carlos Yulo nga maoy naghatag kaniya sa bulawang medalya, samtang ang iyang manghod nga si Eldrew Yulo nakatala og 14.300 puntos nga igo na kaayo aron makuha ang bronze medal.
Ang maong dungog dugang nga nagpakita sa world-class nga abilidad sa mga Pinoy gymnasts ug naghatag og dakong garbo sa tibuok nasod. Gawas sa dungog nga gidala sa maong floor exercise event, wala pa nahuman ang kampanya sa magsuon tungod kay si Carlos mosabak pa sa laing duha ka event finals, samtang si Eldrew mopaambit pa usab sa usa ka event final sa sunod nga adlaw sa kompetisyon.
Tungod niini, padayon karon nga ginasubay sa tibuok sports community ang sunod nga mga performance sa mag-suong Yulo, diin dako ang paglaom nga makadugang pa sila og mga medalya alang sa Pilipinas. Sa pagkakaron, midagayday ang grabeng kalipay ug pagdayeg sa mga Pilipino sa talagsaong kalampusan nga gipakita sa duha ka atleta
Photo Courtesy: Gymnastics Association of the Philippines
