Nagpadayag og plano ang usa ka kaliwat sa nasudnong bayani nga si Jose Rizal sa pagbisita sa tanang monumento nga nagpasidungog kaniya sa lain-laing bahin sa Pilipinas.
Si Maxine Cruz, nga gikan sa ikaunom nga henerasyon sa kaliwat ni Rizal pinaagi sa igsoon niini nga si Maria, miingon nga kabahin sa iyang personal nga plano ang pagbisita sa mga estatwa ug memorial sites nga nagtala sa kontribusyon sa iyang apohan.
Lakip sa iyang target nga bisitahon mao ang mga monumento sa Daet, Camarines Norte, nga giila nga unang Rizal monument sa nasod, ug uban pang mga estatwa sa lain-laing probinsya.
Sumala sa datos sa National Historical Commission of the Philippines, aduna nay kapin sa 100 ka mga monumento ug estatwa ni Rizal sa tibuok nasod, lakip ang mga bantog nga monumento sa Rizal Park (Luneta), Calamba, Laguna, ug Zamboanga City.
Matod ni Cruz, ang iyang plano dili lamang pagbiyahe kondili usa usab ka paagi sa pagpadayon sa paghatag og respeto sa handumanan sa iyang apohan ug sa pagdasig sa mas batan-ong henerasyon nga mas makaila sa kasaysayan sa nasod
Photo Courtesy: hannahmaxinecruz IG
