Nahimong sentro sa pagdayeg sa mga Pilipino si Jordan Clarkson, human niyang ipakita ang iyang garbo isip adunay dugong Pinoy atol sa championship parade sa New York Knicks sa Manhattan.
Makita sa mga picture ug video nga mikaylap online, nga nagkupot si Clarkson sa bandera sa Pilipinas, samtang nag-uban sa iyang mga kauban sa team sa pagsaulog sa ilang makasaysayang kampeonato.
Nakadaog ang Knicks sa ilang unang NBA title sulod sa kapin lima ka dekada, hinungdan nga liboan ka mga fans ang mitambong sa parada nga milabay sa bantugang Canyon of Heroes ngadto sa City Hall.
Dugang pa sa kasaysayan, si Clarkson nahimong usa sa labing nailhang Filipino-American players nga nakatabang aron makuha ang NBA championship, nga naghatag og inspirasyon sa daghang batan-ong Pilipinong atleta.
Dili usab bag-o si Clarkson sa pagrepresentar sa nasud, tungod nahimo siyang kabahin sa Gilas Pilipinas sa nagkadaiyang internasyonal nga torneyo sama sa Asian Games ug FIBA World Cup.
Ang iyang pagdala sa bandera sa Pilipinas atol sa maong selebrasyon, giisip sa daghang fans nga simbolo sa iyang padayon nga koneksyon ug garbo sa iyang pagka-Pilipino.
Photo Courtesy: GQ. Linkedln
