Gipasa sa Sangguniang Bayan sa New Corella ning probinsya sa Davao del Norte ang Resolution No. 2026-103 aron pasidunggan si Rene Clert “Bobet” Baterbonia, ug ilhon ang iyang inspiradong kontribusyon sa kabatan-onan sa giingong lungsod ug sa tibuok nasud.
Sumala pa, nga ang maong resolusyon gi-sponsor ni Deven Adubo isip pag-ila sa dakong impluwensya ni Baterbonia ilabina sa mga batan-on nga nagtinguha nga molampos sa natad sa isports, liderato, ug serbisyo publiko.
Isip kabahin sa ika-59 nga selebrasyon sa Araw ng New Corella, gihatud usab ang usa ka higayon sa paghinumdom pinaagi sa moment of silence aron pasidunggan ang iyang kinabuhi ug mga nahimo alang sa komunidad.
Sumala sa konseho, ang paningkamot ug dedikasyon ni Baterbonia magpabiling inspirasyon sa umaabot nga mga henerasyon sa New Corella ug sa mga Pilipino nga nagtinguha sa kahusayan ug matinud-anong pagserbisyo.
Photo Courtesy : Bayan ng New Corella
