Gibutang sa kustodiya sa kapolisan ang usa ka 24-anyos nga estudyante human kini madakpan human sa giingong pagpabuto ug pusil nga misangpot sa pagkaplag og illegal niadtong Martes sa hapon, Hunyo 16, 2026.
Sumala sa report sa Surigao del Sur Police Provincial Office ubos sa pagpanguna ni PCOL Jeffrey Lawrence D. Mauricio, Provincial Director, ang operasyon gihimo sa Marihatag Municipal Police Station. Ang suspetsado nailhan sa alyas nga “Loloy,” 24 anyos, estudyante ug residente sa Purok Kamansi, Barangay Bayan, Marihatag, Surigao del Sur.
Sa imbestigasyon sa kapolisan, ang intelligence personnel sa Marihatag MPS naghimo og covert patrol sa Tree Park, Purok Mulye, Barangay Arorogan mga alas 3:02 sa hapon. Mga alas 3:17, nakadungog sila og duha ka sunod-sunod nga buto sa armas nga gikan sa daplin sa baybayon sa maong park.
Dali nga miresponde ang mga operatiba ug ilang naabtan ang suspetsado nga hubog ug klarong anaa sa impluwensya sa makahubog nga ilimnon. Pag-abot sa dugang pwersa, gihimo ang legal nga pag-aresto tungod sa ilegal nga pagpabuto og armas. Human niini, gihimo ang search incidental to lawful arrest diin gitambongan sa mga saksi gikan sa barangay ug media.
Narekaber sa kapulisan ang, Duha (2) ka heat-sealed sachet nga naglangkob og gituohang shabu, may gibug-aton nga 2 gramos ug kantidad nga ₱13,600, Usa (1) ka caliber 5.56 nga dili lisensyadong armas, Mga bala ug empty shells sa maong armas, Drug paraphernalia sama sa sling bag ug sigarilyo pack, Cellphone ug ₱1,200 nga cash.
Gipadayag ni PCOL Mauricio nga ang paspas nga aksyon sa kapolisan nakalikay sa posibleng disgrasya tungod sa usa ka hubog.
Sa karon, anaa siya sa kustodiya sa Marihatag MPS ang dinakpan ug nag-atubang sa mga kaso nga Illegal Discharge of Firearm, RA 10591, ug RA 9165.
Photo courtesy: SDSPPO
