Padayon nga gipangita sa ilang pamilya ang duha ka menor de edad nga wala pa makit-i sukad niadtong Hunyo 13, 2026 human matod pa nga mibiya sa ilang panimalay sa Km. 71, Matanao, Davao del Sur.
Base sa impormasyon, miadto na sa lungsod sa Bansalan ang pamilya aron palapdon ang pagpangita sa mga bata. Matod ni Bansalan Councilor Randy Albores, ang duha ka bata mao sila si Adrian Sultan, 10- anyos, ug Angel Mae Maturan, 12-anyos.
Naghangyo ang mga awtoridad sa publiko nga kung adunay nakakita o adunay impormasyon kabahin sa posibleng adtoanan o kahimtang sa duha ka bata, dayong ipahibalo kini sa pamilya, mga opisyal sa barangay, o sa labing duol nga estasyon sa kapulisan.
