Nasamdan ang usa ka 60-anyos nga bao-bao driver human kini gipusil sa wala hinganli nga suspetsado sa may National Highway duol Van Terminal sa Sitio Samboang, Barangay Poblacion, Margosatubig, Zamboanga del Sur, adlaw’ng Miyerkules, Hunyo 17, 2026.
Sa inisyal nga imbestigasyon sa kapulisan, nagpakaaron-ingnong pasahero ang suspetsado nga misakay pa sa bao-bao sa biktima ug sa pag-abot sa lugar nahitabuan didtu na gipusil sa suspetsado ang biktima nga driver.
Human sa panghitabo, ang suspetsado daling nikalagiw sakay sa laing single motor nga gimaneho sa wala mailang driver paingon sa Barangay Lumbog, Margosatubig, Zamboanga del Sur.
Samtang ang biktima dali usab nga gidala sa pinakaduol nga tambalanan nga karon anaa na usab sa luwas nga kahimtang. Sa gilusad nga crime scene processing, na-revover sa kapulisan ang usa ka basiyo sa bala nga gituohang gikan sa usa caliber .45 firearm.
Naglusad na ug operasyon ang kapulisan aron maila ug madakpan ang suspetsado samtang naghimo na usab sila ug backtracking alang sa posibleng mga CCTV footage alang sa mas lawom nga imbestigasyon.
