Nahimong pinakaunang Filipino-American nga nakadaog og kampeonato sa NBA si Jordan Clarkson human gipildi sa New York Knicks ang San Antonio Spurs, sa final score 94 vs 90, sa Game 5 series sa NBA Finals niadtong Sabado, Hunyo 13, 2026.
Pinaagi sa maong kadaugan, nakuha sa Knicks ang ilang unang NBA championship sukad pa niadtong 1973 ug gitapos ang serye sa lima ka duwa.
Bisan og nakaatubang og 16 puntos nga depisito sa sayong bahin sa duwa, nakabangon ang Knicks ug nakompleto ang impresibong comeback aron maselyohan ang titulo.
Si Clarkson, nga adunay kaliwat sa Pampanga pinaagi sa iyang inahan nga si Annette Davis nga taga-Angeles City, nakatampo og duha ka puntos gikan sa bench ug naghatag usab og liderato ug kusog sa koponan atol sa mahinungdanong duwa.
Sa pikas bahin, wala giswerte ang rookie nga si Dylan Harper sa pag-angkon sa iyang unang NBA title bisan pa sa iyang lig-on nga performance diin nakarekord siya og 25 puntos, lima ka rebounds, ug upat ka assists alang sa Spurs.
Ang pagkahimong kampeon ni Clarkson giila isip makasaysayanong kalampusan alang sa mga Filipino-American ug usa ka dakong garbo alang sa mga Pilipinong fans sa basketball sa tibuok kalibotan.
Photo Courtesy: GMA
