Gipahigayon ang send-off ceremony alang sa 60 ka atleta sa Mandaue City College (MCC) nga mosalmot sa 3rd Association of Local Colleges and Universities (ALCU) Region 7 Intercollegiate League 2026 nga pagahimoon sa Talisay City College karung adlawa Hunyo 17 paingon sa Hunyo 20 karung tuiga.
Kauban sa mga atleta ang ilang coaches ug support staff nga andam mopakita sa ilang talento ug abilidad sa nagkadaiyang sporting events samtang nagrepresentar sa dakbayan sa Mandaue batok sa ubang mga tunghaan sa rehiyon.
Lakip sa mga kompetisyon nga ilang apilan ang basketball, men’s ug women’s volleyball, sepak takraw, badminton, table tennis, chess, scrabble, dancesport, ug esports pinaagi sa Mobile Legends.
Isip suporta sa delegasyon, personal nga nihatag si Mayor Thadeo “Jonkie” Ouano og pinansyal nga tabang alang sa mga atleta ug coaches aron magamit nila sa ilang pagpangandam alang sa maong kompetisyon.
Gilauman sa MCC nga makahatag og maayong performance ang ilang delegasyon ug makapasigarbo sa Mandaue City sa regional sports league.
Photo courtesy: MANDAUE CITY PUBLIC INFORMATION OFFICE
