Giduso ni Board Member Noel Christian G. Catre Jr. ang usa ka resolusyon nga naghangyo sa pagbutang sa opisina sa NBI Clearance sulod sa Capitol Compound sa Surigao del Norte aron mapadayon ang serbisyo alang sa katawhan.
Kini human sa kontrobersyal nga napahawa ang NBI gikan sa ilang kanhi pwesto sa Surigao City, nga nakahatag og kalisod sa nanginahanglan og NBI Clearance alang sa trabaho, negosyo ug uban pang opisyal nga transaksyon.
Matod ni Catre, importante nga adunay accessible ug permanente nga lokasyon ang NBI aron dili na maglisod ang mga lumulupyo sa Surigao del Norte sa pagkuha sa ilang mga dokumento.
Gilauman nga pinaagi sa maong resolusyon, mabalik ang operasyon sa NBI Clearance center ug mas mapadali ang serbisyo alang sa katawhan sa probinsya.
