Sikop ang usa ka pump boat operator human nakuhaan og kapin sa usa ka milyon ka pesos sa mga smuggled nga sigarilyo sa gihimong operasyon sa lungsod sa Malangas.
Subay sa taho gikan sa Zamboanga Sibugay Police Provincial Office (ZSBPPO) Provincial Public Information Office, nahitabo ang maong operasyon pasado alas-10:10 sa gabii, kagabie, June 14, 2026.
Gi-ronda sa mga operatiba sa Malangas Municipal Police Station, uban ang Provincial Intelligence Unit (PIU), ZSBPPO, RIU9, 1st PMFC, ug 903rd RMFB 9, inabagan sa Bureau of Customs (BOC) ZAMPEN, ang dapit pinaagi sa usa ka intel-driven operation batok sa anti-smuggling.
Tungod niini, malampusong nasikop ang usa ka lalaki, ulitawo, pump boat operator, ug residente ra sab sa Malangas.
Nakuha gikan sa dinakpan ang kinatibuk-ang kawhaan (20) ka master cases sa nagkadaiyang brand sa sigarilyo
Base sa standard price sa Bureau of Customs, mobalor og PhP1,146,000.00 ang maong mga sigarilyo, samtang giapil sab pag-kumpiska ang usa ka orange nga pump boat nga walay makina nga nagkantidad og PhP 50,000.00.
Sa pagkakaron, ang dinakpan ug ang mga ebidensya anaa sa Malangas MPS alang sa temporaryong kustodiya una kini i-turn over ngadto sa BOC.
