Nakuha na sa mga otoridad ang mga CCTV footage nga may kalabutan sa pagkamatay pinaagi sa pagkalumos sa duha ka basketball players sa Ateneo de Manila University nga sila si Rene Baterbonia ug Divine Adili sa Aurora Province.
Sumala sa Aurora Provincial Police Office, gi-undergo na sa forensic examination ang mga video nga gikan sa resort, rescuers ug local disaster response office aron masuta ang tibuok hitabo.
Base sa inisyal nga imbestigasyon, giisip gihapon sa kapulisan nga aksidente ang pagkalumos ang nahitabo ug wala pay nakitang timailhan nga adunay foul play.
Matod pa, sa mga responders ug lifeguard sa resort, nag-apil ang duha sa usa ka sea activity sa dihang kalit silang gianod sa kusog nga balod padulong sa mas lawom nga bahin sa dagat.
Kalabot niini, padayon gihapon ang imbestigasyon aron masuta kung adunay kapakyasan o negligence sa bahin sa resort management ug ubang mga responsable sa maong kalihokan.
Photo Courtesy: x.com
