Nabutang sa book of record ang usa ka lalaki sa New Zealand, tungod sa iyang talagsaong rekord sa pinakataas nga legal nga ngalan nga miabot og 2,253 narehistro sa kalibutan og nahimong sentro sa atensyon karon sa hilisgutanan.
Naila ang maong lalaki nga si Laurence Gregory Watkins, nagsugod isip ordinaryong ngalan, apan niadtong 1990 legal niyang giusab kini ngadto sa usa ka ngalan nga adunay 2,253 ka pulong, nga mokabat og pito ka pahina sa opisyal nga dokumento.
Sumala sa report, nagtrabaho kaniadto si Watkins sa usa ka library ug migugol og daghang buwan sa pagpangita og liboan ka ngalan gikan sa mga libro ug kasaysayan. Maampingon niyang gipili ang mga ngalan nga nakahatag kaniya og inspirasyon ug gilakip kini sa iyang bag-ong legal nga identity.
Giingon nga ang iyang unang aplikasyon wala madawat, apan wala siya mouyon sa kapakyasan ug nagpadayon hangtod nga naaprubahan kini sa legal nga proseso sa New Zealand.
Usa sa iyang paboritong dugang sa ngalan mao ang “AZ2000,” nga simbolo sa iyang tumong nga makalakip og mga ngalan gikan sa letra A hangtod Z.
Bisan pa sa rekord, si Watkins naggamit gihapon sa mas yano nga “Laurence Watkins” sa adlaw-adlaw nga kinabuhi. Sumala sa report, mokabat og mga 20 minutos ang pagbasa sa iyang tibuok legal nga ngalan gikan sa sinugdanan hangtod sa katapusan.
Ang iyang istorya nagpamatuod nga ang pagbaton og talagsaong identidad usa ka butang, apan ang paghimo niini nga usa ka 2,253-ka-pulong nga rekord lahi na usab nga lebel.
Photo Courtesy: What’s Up Tony?
