Nagpabiling andam ang City Disaster Risk Reduction and Management Office (CDRRMO) Pagadian, atol sa pagpatuman sa tsunami warning sunod sa kusog nga linog nga miigo sa Sarangani Province sa miaging adlaw.
Sa Press Conference, gipadayag ni CDRRMO Officer Engr. Vince Quipot, iyang gipalihok ang tanan contingency measures aron masiguro ang kaluwasan sa mga residente nga nagpuyo sa mga coastal barangays sa syudad.
Lakip sa ilang gihimo ang pagpahibalo sa publiko, pagmonitor sa kahimtang sa dagat, ug pag-andam sa posibleng pagpabakwit sa mga residente gikan sa mga lugar nga mahimong maapektuhan sa pagsaka sa tubig-dagat.
Segon pa ni Quipot, nga mokabat 14 ka coastal barangay ang ilang ginamonitor atol sa tsunami warning og kanunay andam ang mga evacuation center.
Bisan pa nga wala’y dakong epekto nga natala sa dakbayan, gipadayag sa CDRRMO nga magpadayon sila sa pagpalig-on sa disaster preparedness programs ug regular nga mga drills aron ma-andam ang publiko sa bisan unsang kalamidad nga angay pangandaman sa katawhan.
