Gianunsyo sa lokal nga panggamhanan sa Tagum ubos sa administrasyon ni Mayor Rey T. Uy ang pagsuspinde sa Face-to-Face classes sa Elementary ug Secondary levels karong adlawa Martes, Hunyo 9, 2026.
Matod pa sa advisory, tumong sa maong lakang nga hatagan og dugang panahon ang mga estudyante ug magtutudlo aron makapangandam sa ilang pagbalik sa klase human sa kusog nga linog nga nasinati kagahapon, Hunyo 8.
Gipasabot usab sa city government nga ang maong desisyon kabahin sa ilang pag-atiman sa mental well-being ug kaluwasan sa mga kabatan-onan ug mga magtutudlo ilabi na sa panahon sa kalamidad.
Samtang suspendido ang face-to-face classes, gihangyo ang publiko nga magpabiling alerto ug mag-amping. Alang sa emerhensiya, mahimong kontakon ang Providence Base ug CDRRMO Rescue pinaagi sa ilang emergency hotlines.
Photo Courtesy : City Government of Tagum
