Personal nga gilibot ni PRO13 Regional Director PBGEN Marcial Mariano P. Magistrado IV ang pipila ka mga eskwelahan sa Caraga aron susihon ang kahimtang human sa linog nga natala sa unang adlaw sa pagbukas sa klase.
Gitan-aw usab niya ang seguridad sa mga estudyante, magtutudlo ug mga kawani sa eskwelahan aron masiguro nga malinawon ug luwas ang pag-abli sa klase.
Kauban sa ubang mga opisyal sa kapulisan, gisusi ni Magistrado ang mga police assistance desk ug ang deployment sa mga pulis sa palibot sa mga eskwelahan.
Sumala sa Regional Operations Division 13, mokabat sa 1,233 ka mga pulis ang gipakalat ubos sa Oplan Balik-Eskwela 2026, samtang adunay 295 ka force multipliers gikan sa nagkadaiyang ahensya ug stakeholders.
Gikompirma sa mga school officials nga walay structural damage nga namatikdan sa mga eskwelahang ilang gibisita human sa linog.
